बट्टार लाखे समूहले चौथौ सान्तोना स्थान हाँसिल

२०७३ साल भाद्र २९ गते देखि आयोजना भएको पाँचौ राष्ट्रिय लाखेनाच प्रतियोगितामा हाम्रो नुवाकोट जिल्लाको तर्फबाट गएका दुई लाखे समूह मध्ये बट्टार लाखे समूहले चौथौ सान्तोना स्थान हाँसिल गरेको छ । करिब ३ दिन सम्म चलेको प्रतियोगितामा लाखे लगायत नेवारी सँस्कृति, भेषभुषा बाजागाजा लय आदीको पनि नम्बरिङ्ग गरिएको थियो । प्रतियोगितामा करिब ३३ लाखेको सहभागिता थियो । चितवन नारायणघाटको टन्टलापुर घाम र त्यसमा पनि तातो पिचमा हाम्रो लाखेमात्र परम्परागत शैलीमा खाली खुट्टा नाचेको देखिन्छ । हाल भएका त्रुटि कमिकमजोरीहरु लाई केलाई पछि हुने प्रतियोगिताको लागि राम्रो अनुभव रहेको सहभागीहरु बताउछन् ।