हाल सम्म नेपाल र आयरल्याण्ड वीच कुनै पनी प्रतियोगितामा आमुने सामुन्ने भएको छैन । आयरल्याण्ड हाल समूह ए मा शिर्ष स्थानमा छ र एक खेलमा जित र अर्काेमा ड्र गरेको नेपाल ३ अंक सहित दोश्रो स्थानमा छ । शनिवार बेलफास्टमा भारी बर्षा भई नामिविया र नेपाल वीचको म्याचमा १ १ अंक बाडीएको थियो ।
हाल सम्मको आँकडा हेर्दा नेपालमाथि आयर ल्याण्ड हावी भएको देखिन्छ । नेपालको प्रदर्शनमा केहि सुधार भएता पनि हाल मात्रै नेडरल्याण्डमा भएको ४ खेलमा ३–१ ले नेपाल पराजित भएको थियो । आयरल्याण्ड भने प्रत्येक प्रतियोगितामा सबैलाई मात खुवाउदै विश्वकप क्रिकेटमा समेत टेस्ट मान्यता प्राप्त देशहरुलाई पराजित गरेर विश्व क्रिकेट जगतमा सबलाई आश्चर्य चकित पार्दै आइ रहेको छ ।
यस प्रतियोगितामा नेपालले अमेरिका माथि ६ विकेटको जित हासील गरेको थियो भने नामिवियाको खेलमा जम्मा ७.४ ओभरको खेल पश्चात भारी बर्षाले खेल ड्र भएको थियो ।
त्यसैगरी हंङकङ्ग लाई जर्सी जो प्रतियोगितामा पहिलो पटक भाग लिदै छन् प्रभावशाली खेल प्रस्तुत विजय प्राप्त गरेको थियो ।
आजको खेलमा नेपाल सामु चुनौती भने आयरल्याण्डको ब्याटिङ्ग लाईनअप हुन सक्नेछ । आयरल्याण्डका नं १ ब्याट्सम्यान नेल ओब्राइन देखि नं. ९ का जियोर्ज डकरेल सम्म सबै उत्कृष्ठ ब्याटिङ्ग लयमा छन् । नेपालका लागि भने हतियार भनेको नै स्पीक बलिङ्ग रहनेछ । नेपालका लागि शक्ति गौचन र बसन्त रेग्मी बाहेक तिव्र गतिका बलर सोमपाल कामी पनी बलियो सावित हुनेछन् । यी तिनैको ४ ४ ओभर नेपालका लागि विशेष हुनेछ । त्यसैगरी फर्ममा रहेको ब्याट्सम्यान ज्ञानेन्द्र मल्ल कप्तान पारस खड्का र शरद भेषवाकर पनी लामो पारी खेल्नमा सक्षम छन् । नेपालको पुरानै कमी भनेको नेपालको ओपनीङ्ग जोडि नै रहनेछ भन्ने मा दुई मत नहोला ।
नेपालले उत्कृष्ट प्रर्दशन गरी आयरल्याण्डलाई पराजित गरी विश्व क्रिकेटमा हामी पनि मौका पाएमा कम छैन भनी देखाउने सुनौलो मौका समेत हुने आजको खेलले प्रस्ट्याउने छ ।
नेपालले आजको खेलमा जित हासील गरुन भन्ने हामी सबै नेपालीको चाहना हो ।
