विदुर – नुवाकोटमा रहेको जिवित देवी कुमारीको उचित संरक्षण र सम्बर्द्धनको लागि यहि फागुन १७ गते तेस्रो बृहत जीवित कुमारी पुजा हुने भएको छ । समुहले गत माघ ११ गते उपत्यकाको ८ जिवित देवि कुमारीहरुको पुजा सम्पन्न गरि सकेको छ ।
ह्युमत महिला समुह काठमाडौंले नेपालले देशभरका स्थानमा विराजमान रहेको जिवित देवि कुमारीहरुको अवस्थाको बारेमा राज्यलाई जानकारी गराई उचित संरक्षण र सम्बर्द्धनको लागी पहल गरिरहेको छ ।
शनिबार नेकपाका वरिष्ठ नेता एवं पूर्वप्रधानमन्त्री झलनाथ खनालको उपस्थितिमा भैरवीदेवी मन्दिरको प्राङ्गणमा पुजा गर्ने कार्यक्रम रहेको छ ।
समुहले २०७० सालमा पहिलोपटक पूजा गरेको थियो । त्यसै गरी २०७३ सालमा दोश्रोपटक पुजा गरेको थियो । यस वर्ष २०७६ मा तेश्रोपटक बृहत कुमारी पुजा गर्ने कार्यक्रम रहेका ह्युमत महिला समुह काठमाडौंका अध्यक्ष मचानानी महर्जनले जानकारी दिए ।
नेपालमा नुवाकोट कुमारी सहित बसन्तपुर, मखन, किलाघल, तोखा, साँखु, भक्तपुर, साँखु, पनौती, बुंगमती, ललितपुर र आजिवन कुमारीलाई जिवित देवि कुमारीहरुको रुपमा पुँजिदै आएको छ ।
Source: Dabalikhabar.com
