विदुर मेयरकप क्रिकेटमा विदुर नगरपालिका वडा नं. ४ को पहिलो जित

 विदुर नगरपालिकाद्धारा आयोजित मेयरकप वडा स्तरिय क्रिकेट प्रतियोगितामा आज भएको खेलमा विदुर नगरपालिका वडा नं. ४ ले विदुर नगरपालिका वडा नं. ५ लाई डर्कवर्थ लेविसको नियमको आधारमा १० विकेटले पराजित गरेको छ । 

टस जितेर ब्याटिङ्ग रोजेको विदुर वडा नं. ५ ले विनोद श्रेष्ठको सर्वाधिक ३८ रनको मद्धतले १८ ओभरमा सबै विकेट गुमाई ८९ रन बनाएका थिए । विदुर ४ का तर्फबाट बलिङ्गमा किशोर अर्याल, संगित रन्जित र विकास लामिछानेले २।२ विकेट लिगेका थिए । 

दोश्रो इनिङ्ग सुरु हुनु पूर्वनै बर्षा भएपछि केहि समय रोकिएको खेलमा डकवर्थ लेविस नियमानुसार वडा नं. ४ ले निर्धारित १० ओभरमा ५३ रनको आवश्यक परेकामा निर्धारित लक्ष्य ५ ओभरमै विना विकेटको क्षतिमा ५८ रन बनाई जित हाँसिल गरे । निकैनै आक्रामक ब्याटिङ्ग गरेका वडा नंं. ४ का विकेट किपर ब्याट्सम्यान प्रविन केसिले १५ बलमा ५ छक्का १ चौकाको मद्धतले ३८ रन बनाए भने अर्का ब्याट्सम्यान रोसन कुमार खड्काले १० रन बनाउन सफल भए । यस जित सँगै सि ग्रुपको शिर्ष स्थानमा विदुर नगरपालिका वडा नं. ४ र
हेको छ । 

आजको खेलको म्यान अफ द म्याच विदुर ४ का प्रविन केसी भएका छन् ।  

२०८२ असार १ गते दिउँसो २ बजे विदुर नगरपालिका वडा नं. ४ र ९ विच हुनेछ । 

तालिमका लागि सुवर्ण अवसर

 करुणा ग्रुप अफ कम्पनी (राज मेकअप स्टुडियो एण्ड ट्रेनिङ्ग सेन्टर) ले असार १५ गते तालिमका लागि अन्तरवार्ता लिने हुँदा जुन जुन स्थानबाट फारम भर्नु भएको छ सोपालिकामा तपशिल बमोजिम सम्पर्क राख्नुहोला ।

तादि गाउँपालिका

तादि गाउँपालिकाको कार्यालय

समयः विहान ११ बजे

विदुर नगरपालिका

स्थानः नुवाकोट आदर्श बहुमुखी क्याम्पस, बट्टार

समयः दिउँसो २ बजे

नेवारहरुको साझा संगठन नेवाःदेय् दबू बिदुर नगर कमिटी बिराट मान सिं डंगोलको अध्यक्षतामा गठन

  नेवार समुदायको राष्ट्रिय संघठन नेवाः देय् दबू, नुवाकोटको विदुर नगर घोषणा सभा कार्यक्रम जिल्ला सभापति राम प्रसाद जोशीको सभापतित्व र नेवाः देय् दवु बाग्मती प्रदेश सदस्य श्री नरेन्द्र प्रधानको आतिथ्यतामा विदुर नगरपालिका कमिटि गठन सम्पन्न भएको छ । 

उक्त सभाले सर्वसम्मत रुपमा अध्यक्ष विराटमान सिंह डंगोलको अध्यक्षतामा बरिष्ठ उपाध्यक्ष श्री महेन्द्र श्रेष्ठ, उपाध्यक्ष मनिषमान राजभण्डारी, सचिव सरोज श्रेष्ठ, कोषाध्यक्ष ज्ञानेश्वर अमात्य र सदस्यहरु प्रविन किशोर डंगोल, रमेश लाल श्रेष्ठ, नवराज श्रेष्ठ, पुष्प श्रेष्ठ। नविन चित्रकार, रामशरण श्रेष्ठ, सुरेन्द्र श्रेष्ठ, कृष्ण गोपाल श्रेष्ठ, सुरज लवट, रबिन श्रेष्ठ, कुमार श्रेष्ठ, प्रविण राज श्रेष्ठ गरी १७ सदस्यीय नगर कमिटि चयन गरेको हो । 

नेवारी समुदायको हकहित भाषा भेषभुषा कला संस्कृति, रितिरिवाजलाई जगेर्ना गर्नको लागि समिति गठन गरिएको नवनिर्वाचित अध्यक्ष डङ्गोलले बताए ।

जिल्ला अध्यक्ष तथा कार्यक्रमका सभापति राम प्रसाद जोशीले जिल्लामा भएका विभिन्न नेवारी संघ संगठनहरु भएता पनि सक्रिय रुपमा अगाडी बढ्न नसेकेको कारणले आगामी दिनहरुमा नुवाकोटका १२ वटै स्थानीय तहमा नेवाः दबुको विस्तार गर्दै लगिनेर सबै संघ, संग

ठनहरुलाई सक्रिय रुपमा अगाडी बढाउनका लागि जिल्लाका पालिका कमिटिहरुको अहम भूमीका रहने बताउनु भयो । 

सभामा बाग्मति प्रदेश सदस्य नरेन्द्र प्रधानले  नेवारहरुको साझा राष्ट्रिय संगठन नेवाः देय् दबुको बांकेको नेपालगन्ज बिधान सभाले पास गरेको बिधान अनुसार देशको सबै वडा, पालिका, जिल्ला र प्रदेश कमिटी गठन गर्ने क्रममा हामीले पनि जिल्लाका सबै वडा पालिकाको भेला अधिबेशन गरी नुवाकोटका नेवारहरुलाई  संगठित  गराई नेवारको हकहितको साथै भाषा संस्कृति र परम्पराको समरक्षण गर्दै जाने, नेपाल भाषा संरक्षणका लागि मात्रृभाषा पठनपाठनका लागि प्रदेश सरकारले गरेको निर्णयलाई जिल्लामा कार्यान्वयन गराउन भुमिका खेल्ने र यस्को लागि आज घोषणा भएको नगर कमिटीले बिसेस भुमिका खेल्ने छ र उक्त कार्यका लागि प्रदेशबाट हुन सक्ने सम्पूर्ण सहयोग गर्न तत्पर रहको कुरा ब्यक्त गर्नुभयो । 

नुवाकोटमा तेस्रो बृहत जीवित कुमारी पुजा फागुन १७ गते हुँदै

विदुर – नुवाकोटमा रहेको जिवित देवी कुमारीको उचित संरक्षण र सम्बर्द्धनको लागि यहि फागुन १७ गते तेस्रो बृहत जीवित कुमारी पुजा हुने भएको छ । समुहले गत माघ ११ गते उपत्यकाको ८ जिवित देवि कुमारीहरुको पुजा सम्पन्न गरि सकेको छ ।

ह्युमत महिला समुह काठमाडौंले नेपालले देशभरका स्थानमा विराजमान रहेको जिवित देवि कुमारीहरुको अवस्थाको बारेमा राज्यलाई जानकारी गराई उचित संरक्षण र सम्बर्द्धनको लागी पहल गरिरहेको छ ।

शनिबार नेकपाका वरिष्ठ नेता एवं पूर्वप्रधानमन्त्री झलनाथ खनालको उपस्थितिमा भैरवीदेवी मन्दिरको प्राङ्गणमा पुजा गर्ने कार्यक्रम रहेको छ ।

समुहले २०७० सालमा पहिलोपटक पूजा गरेको थियो । त्यसै गरी २०७३ सालमा दोश्रोपटक पुजा गरेको थियो । यस वर्ष २०७६ मा तेश्रोपटक बृहत कुमारी पुजा गर्ने कार्यक्रम रहेका ह्युमत महिला समुह काठमाडौंका अध्यक्ष मचानानी महर्जनले जानकारी दिए ।

नेपालमा नुवाकोट कुमारी सहित बसन्तपुर, मखन, किलाघल, तोखा, साँखु, भक्तपुर, साँखु, पनौती, बुंगमती, ललितपुर र आजिवन कुमारीलाई जिवित देवि कुमारीहरुको रुपमा पुँजिदै आएको छ ।

Source: Dabalikhabar.com

नुवाकोटमा रहेका स्थानीय तहको विवरण (साविक गाविस र नगरपालिका सहित)

स्थानिय तहको स्थापना पश्चात अझै पनि धेरै जना ब्यक्तिहरुमा पुरानो गाविस र नगरपालिका अहिले कुन गाउँपालिका, कुन नगरपालिकामा समावेश भएको छ भन्ने कुरामा दुविधा यथावत छ । तसर्थ सो दुविधालाई केहि हद सम्म कम गर्नका लागि तपाईहरुको सहजताका लागि नुवाकोटको हाल का स्थानिय तहहरु र साविकको गाविस तथा नगरपालिका तल उल्लेख गरिएको छ । Source: http://dccnuwakot.gov.np/

ककनी गाउँपालिका

सामावेश भएका साविक गा.वि.स. र न.पा.हरुः ककनी, ओखरपौवा, चाउथे, चतुराले, थानसिङ(८,९) मदानपुर (७,८) गा.वि.स.

किस्पाङ गाउँपालिका

सामावेश भएका साविक गा.वि.स. र न.पा.हरुः साल्मे, भाल्चे, काउले, फिकुरी र मनकामना गा.वि.स.

बेलकोटगढी नगरपालिका

सामावेश भएका साविक गा.वि.स.र न.पा.हरुः दुईपिपल, रातामाटे, कुमरी, बेलकोट, जिलिङ्ग, मदानपुर गा.वि.स.

तादी गाउँपालिका

सामावेश भएका साविक गा.वि.स. र न.पा.हरुः खरानीटार, रालुकादेवी, उर्लेनी, सुन्दरादेवी र नर्जामण्डप गा.वि.स.

तारकेश्वर गाउँपालिका

सामावेश भएका साविक गा.वि.स. र न.पा.हरुः- गोर्स्याङ्ग, बुधुसिङ्ग, तारुका, दाङसिङ्ग र खड्कभञ्ज्याङ्ग (१,२,३) गा.वि.स.

दुप्चेश्वर गाउँपालिका

सामावेश भएका साविक गा.वि.स. र न.पा.हरुः घ्याङ्फेदी, राउतबेंशी, समुन्द्रटार, बेतिनी, गाउँखर्क, शिखरबेंशी र बालकुमारी गा.वि.स.

पञ्चकन्या गाउँपालिका

सामावेश भएका साविक गा.वि.स.हरुः कविलास, पञ्चकन्या, चौघडा (३,४,९), थप्रेक, भद्रुटार गा.वि.स.

लिखु गाउँपालिका

सामावेश भएका साविक गा.वि.स. र न.पा.हरु : सूर्यर्मति, थानसिङ(१-७), खानिगाँउ, चौघडा (१,२,५,६,७,८) र थानपती (५) गा.वि.स.

मेघाङ गाउँपालिका

सामावेश भएका साविक गा.वि.स.र न.पा.हरुः बर्सुन्चेत, किम्ताङ, देउराली,  बुङताङ्ग र सामरी गा.वि.स.

विदुर नगरपालिका

सामावेश भएका साविक गा.वि.स. र न.पा.हरुः  विदुर न.पा., चारघरे, तुप्चे, गेर्खु, कल्याणपुर र खड्कभञ्ज्याङ्ग (४-९) गा.वि.स.

शिवपुरी गाउँपालिका

सामावेश भएका साविक गाविसहरुः छाप, लिखु, महाकाली, तलाखु, सिक्रे, समुन्द्रादेवी, सुनखानी र थानपति(१-४,६-९) गा.वि.स.

सुर्यगढी गाउँपालिका

सामावेश भएका साविक गाविसहरुः लच्याङ, बागेश्वरी, हल्देकालिका, र गणेशस्थान गा.वि.स.

गुडविल एकेडेमीलाई अन्तर विद्यालय टि–२० क्रिकेट प्रतियोगिताको उपाधि

देवीघाट वाल क्लवको आयोजना तथा नुवाकोट क्रिकेट संघको सहआयोजनामा आयोजित जिल्ला ब्यापी अन्तर विद्यालय स्तरीय टि २० क्रिकेट प्रतियोगिताको फाइनल खेलमा गुडवील एकेडेमी, पिपलटार ले सहिद जगत प्रकाश जंग सँस्कृत मा.वि.लाई ८ विकेट ले पराजीत गर्दै उपाधी चुमेको छ ।

विजयी गुडवील एकेडेमी

उपविजेता सहिद जगत प्रकाश जंग सँस्कृत मा.वि. पुरस्कार ग्रहण गर्दै

सोमबार भएको फाइनल खेलमा टस जितेर फिल्ड रोजेको गुडवील एकेडेमीले सँस्कृत मा.वि. लाई १८ ओभर बलिङ्ग गरी ७७ रनमा समेटेको थियो । सँस्कृत मा.वि.का तर्फवाट राजीव भण्डारीले १० रन बाहेक अन्य कुनै पनि ब्याट्सम्यानले दोहोरो अंक बटुल्न सकेन । ७७ रनमा समेट्न गुडवीलका तर्फवाट विकास कुमालले ५, अमिर कुमाल र शुसिल बोहरालो २÷२ विकेट लिन सफल भए ।



७७ रनको विजयी लक्ष्य पछ्याएर मैदानमा ओर्लेको गुडवील एकेडेमीले १३ ओभरमा २ विकेट गुमाई पुरा गरे । गुडवीलका तर्फवाट रोशन तामाङ र विकास कुमालले क्रमश २० र २६ रन बनाए । बलिङ्ग तर्फ सँस्कृतका तर्फवाट श्रीतेश राईले २ विकेट लिन सफल भए ।
प्रतियोगितामा उत्कृष्ट प्रर्दशन गरेका गुडवीलका रोशन तामाङ म्यान अफ द सिरीज, अमिक कुमाल सर्वाेत्कृष्ट ब्याट्म्यान र अमिर कुमाल उत्कृष्ट बलर घोषित भए । पुरस्कार वितरण कार्यक्रममा अतिथी नुवकोट क्रिकेट संघका अध्यक्ष तथा नेपाल क्रिकेट संघका केन्द्रिय सदस्य दुर्गाराज पाठक, सभापति को आसन ग्रहण प्रतियोगिता संयोजक दिनेश चित्रकार ले गरेका थिए । कार्यक्रममा नुवाकोट क्रिकेट संघका पदाधीकारीहरु, शिक्षक लगायत क्रिकेट प्रेमीहरुले अतिथीको आशन ग्रहण गरेका थिए ।
प्रतियोगिामा प्रथम र द्धितिय हुन सफल गुडविल एकेडेमी र संस्कृत माविले शिल्ड, मेडल र प्रमाणपत्र हात पारेको देविघाट बाल क्लबका अध्यक्ष दिनेश चित्रकारले बताए । प्रतियोगिताको समापन समारोहमा बोल्दै नेपाल क्रिकेट संघका केन्द्रिय सदस्य तथा नुवाकोट क्रिकेट संघका अध्यक्ष दुर्गाराज पाठकले देशभर क्रिकेटको माहोल बढ्दै गएकोले अब छोटो स्वरुपका प्रतियोगिताभन्दा ५० ओभरको प्रतियोगिता गर्नुपर्ने बताए । उनले नेपाल क्रिकेट संघले क्यालेन्डर नै बनाएर प्रतियोगिता आयोजना गर्न लागिएको उल्लेख गरे । नेपालमा युवाहरुको क्रिकेटप्रति झुकाव बढेको भन्दै उनले त्यसलाई सबै मिलेर तिखार्न लाग्नुपर्ने बताए । त्यस्तै कार्यक्रममा बोल्दै देविघाट बाल क्लबका अध्यक्ष दिनेश चित्रकारले गतसालदेखि आयोजना गरिएको प्रतियोगितालाई आगामी वर्ष अझै सधार्दे लैजाने प्रतिवद्धता व्यक्त गरे । उनले विद्यालयहरुलाई खेलकुदमा आकर्षण गर्न प्रतियोगिता आयोजना गरेको उल्लेख गरे ।

सोही समारोहमा नुवाकोट उद्योग वाणिज्य संघद्धारा आयोजित छैठो नुवाकोट महोत्सवमा नुवाकोट क्रिकेट संघको संयोजकत्व र सामर्थ नेपालको सहयोगमा चितवनमा रहेको गौतम बुद्ध अन्तराष्ट्रिय क्रिकेट रंगशाला निर्माणका लागि धुर्मुस सुन्तली फाउण्डेशन सहयोगार्थ डोनेशन बक्स राखेकोमा नगद रु ४४९९ संकलन भएको थियो । अवका केही दिनमानै थप रकम संकलनका लागि घरदैलो अभियानमा लाग्ने कोषाध्यक्ष विराट मान सिंह डंगोलले जानकारी दिनु भयो ।
प्रतियोगिता फाल्गुण १ गते देखि सुंरु भएको थियो । प्रतियोगितामा सँस्कृत मा.वि. देवीघाट, गुडवील एकेडमी, पिपल्टार र अर्किड एकेडेमी गरी ३ टिमको सहभागीता रहेको थियो ।