जालपादेवी प्रिमियर लिग क्रिकेट प्रतियोगिताको फाइनल खेल आज

जेष्ठ २८ गते देखि सुरु भएको चौथो

जालपादेवी प्रिमियर लिग क्रिकेट प्रतियोगिताको फाइनल खेल आज असार ७ गते दिउसो ४ बजे सहिद स्मृति स्कूल देविघाटमा विदुर क्रिकेट क्लव विदुर र देवीघाट वाल क्लव देवीघाट विच हुदैछ ।
प्रतियोगितामा देवीघाट वाल क्लव क र ख, चन्द्र ज्योती स्कूल, सुभेनियर स्कूल, निरन्जना स्कूल, कासीटार क्लव, विदुर क्लव, सिरखाली क्लव, सँस्कृत स्कूल, नक्षेत्र, होमटाउन क्लवहरुको सहभागिता थियो । प्रतियोगिता १५ ओभरको खेलाइएको छ ।
निरन्तर बर्षहरुमा नुवाकोट जिल्लामा क्रिकेट गतिविधीलाई चलायनमान राख्नका लागि जालपादेवी क्रिकेट क्लवले यस्ता प्रतियोगिता आयोजना गर्ने गरेका छन् । विगतका केही समयमा नुवाकोट क्रिकेट संघबाट पनि प्रतियोगिता गर्नका लागि पर्याप्त मात्रा खेल मैदानको अभावले जिल्लामा लगभग शुन्य रहेको अवस्थामा जालपादेवी वाल क्लवले खेलाडीहरुलाई भने केहि राहत दिएको छ ।
स्थानिय निकायहरुको चासोमा पनि कमि आउनाले क्रिकेट खेलका लागी पर्याप्त पूर्वाधारहरु विकास गर्न नसकेको गुनासो दिनानुदिन बढ्दै गइ रहेको छ ।
आजको यस खेलका विजेता तथा उपविजेताहरुलाई शिल्ड, मेडल नगद तथा प्रमाण पत्रको ब्यवस्था गरिएको छ ।